මෙරට ක්‍රියාත්මක සන්ටෙල් දුරකතන සමාගම මිලදී ගැනීම සඳහා තවදුරටත් අදහසක් නොමැති බව අදාළ මිලදී ගැනීම සඳහා උනන්දුවක් දැක්වූ ශ්‍රී ලංකා ටෙලිකොම් සමාගම පවසයි.
මෙරට විශාලතම දුරකතන සමාගම වන ශ්‍රී ලංකා ටෙලිකොම් සමාගම කොළඹ කොටස් වෙළඳ පොළට දැනුම් දී තිබෙන්නේ මෙම සමාගම මිලදී ගැනීම සඳහා පැවති අදහස ටෙලිකොම් සමාගම විසින් අගෝස්තු 24 වනදා වනවිට අත්හැර දැමූ බවයි.
මේ අතර ධම්මික පෙරේරා මහතා පාලනය කරන වැලිබල් වන් සමාගම සන්ටෙල් සමාගම මිලදී ගැනීම සඳහා ඩොලර් මිලියන 28 කද, ඩයලොග් සමාගම ඩොලර් මිලියන 26.5 කද ලන්සු ඉදිරිපත් කර තිබෙන බවයි.
සන්ටෙල් සමාගමේ සේවකයින් 250 දෙනෙකුට ඩයලොග් විසින් ඉදිරිපත් කර ඇති ස්වේච්ඡා විශ්‍රාම සැලසුමට අනුව ඩයලොග් ලන්සුව ඩොලර් මිලියන 31 ක් දක්වා ඉහළ නගිනු ඇති බවද පුවත් පත වැඩිදුරටත් අනාවරණය කර ඇත.
0 comments:
Post a Comment